Najcesti klima uredi problemi i kako da se spravite so istite

Несомнено е дека денешните клима уреди имаат најмодерна технологија и врвни перформанси, што воедно значи и скоро никакви проблеми или дефекти за разлика од старите модели. Сепак, и при купување на најдобри инвертер клими, понекогаш може да се појават клима уреди проблеми кои морате да ги решите.

Можете да останете без грижа од две главни причини. Прво, овие клима уреди имаат одлична и долгогодишна гаранција. Второ, овде ќе ги излистаме најчестите проблеми кај клима уреди и како да се справите со истите.

Климата работи, но не лади доволно

Проблемот кога клима уредот не лади доволно може да се случи од различни причини, а некои од нив можете да ги решете сами или да има потреба од сервисер. 

Логично е пред се да проверите дали можеби клима уредот ви е поставен на грешка мод на работење. Ова особено важи низ летниот период доколку е наместен автоматски да работи и не лади доволно затоа што температурите се превисоки. Исто така, пожелно е да не го поставувате на минимум 5 степени пониска температура од таа во просторијата.

Ако вашиот клима уред и понатаму не лади доволно, треба да ги проверите филтрите на внатрешната единица. Ако не сте ги исчистиле филтрите пред почетокот на сезоната, може да има нечистотија која го кочи клима уредот да лади соодветно. Нормално, пред се најважно е да го исклучите клима уредот. Воедно, ова е добро да ви биде редовна пракса и како заштита од поправка на клима уреди после подолга пауза од некористење на уредот.

Доколку вашиот клима уред не лади и понатаму, потребно е да повикате сервисер затоа што може да има дополнителен проблем, како што е лошо напојување, дефект на електрониката, неисправен сензор или сонда на разменувачот, итн.

Климата работи, но не грее доволно

Истото важи и при греење, значи прво треба да проверите дали клима уредот ви е поставен на правилниот мод на работење и да не ви е на автоматски мод затоа што не е доволно при ниските зимски температури. Исто така, при загревањето температурата на вашиот далечински управувач не треба да е поставена на минимум 5 степени повисока од температурата во вашата соба.

Доколку ова не го реши проблемот, процесот е ист како и за ладењето како што посочивме погоре. Проверка на филтрите, за што повторно мора да го исклучите клима уредот пред да ги исчистите. 

Ако и после ова вашиот клима уред не грее доволно, останатите причини може да се слични како и при недолно ладење, што значи дека ќе мора да повикате сервисер.

Капи вода од внатрешната единица

Ова исто е еден од најчестите клима уреди проблеми во летниот период. Постојат повеќе причини кои може да допринесуваат за ваков проблем. Еден од нив може да биде затнување на одводот на вода, за што ќе мора да контактирате сервисер за да ја оддели внатрешната единица и да ја отстрани нечистотијата.

Друга причини може да бидат потопување на крајот на цревото во садот за вода, создавање на сифони доколку цревото за одводот на кондензатот е деформирано или затнување на цевката за одвод на кондензација. Разликата со овој тип на проблеми кај клима уредот е тоа што е потребно да викнете сервисер затоа што се покомплексни. Сепак, ова нема да ви биде проблем доколку сте купиле клима во Македонија од врвен бренд затоа што има долги години гаранција.

Други проблеми можат да бидат комплетно затнати филтри на внатрешната единица, што можете и самите да го поправите со чистење на мрежните филтри, но повторно внимавајте и не заборавајте дека пред се мора да го исклучите клима уредот!

Исто така може да е причина и замрзнување на разменувачот поради недоволно течност за ладење и истекување при топење на мразот, за што е најдобро исто така да контактирате сервисер.

Тече вода од надворешната единица

Ова може да се случи и во зима и во лето, а се случува доколку е блокиран перфорираниот канал и на кадичката водата ќе се прелие преку надворешната единица. Оваа кондензирана вода се влева од внатрешната во надворешната единица и можно е да истекува од надворешната ако цревото е оштетено или се движи во положба каде што е поставена во када на надворешната.

Ова е можно и сами да го корегирате, најважно е да го исклучите клима уредот и да видите каде течи водата. Во време на греење, затоа што вода се создава само во надворешната, треба да поврзете цевка или црево на истата и да се исцеди кондензатот или да се корегира да тече слободно.

Доколку не сакате да ризикувате да не направите поголем проблем, најдобро е да викнете сервисер.

Надворешната единица формира мраз

Формирањето на мраз на надворешната единица е можно кога потребата од греење е голема, а влагата на надворешниот воздух е исто така на високо ниво.

Доколку имате инвертер клима со најмодерна технологија или знаете како е најдобро да работи инвертер клима зимно време, нема да имате посебни проблеми од овој тип затоа што врвните инвертер клими сами го решаваат овој проблем. 

За разлика од нив, евтините клими морат да направат пауза до 10 минути за го решат овој проблем. Додека го прават ова не можат да греат и не се ефикасни затоа што го повторуваат повеќе пати во еден час. Ова често може да ве збуни и да мислите дека клима уредот има дефект и не грее, но во суштина тој работи на топење на мразот на надворешната единица. Во овој случај, треба да го оставите да го изврши одмрзнувањето и потоа повторно ќе почне да грее.

Нормално, подобро е да имате квалитетен клима уред кој нема да го прекинува греењето, а воедно ќе го одмрзне мразот на надворешната единица.

Внатрешната единица формира мраз

Доколку сте го исклучиле клима уредот и при отварање на капакот на внатрешната единица и вадењето на филтрите има мраз, тоа значи дека се формирал поради недостаток на разладно средство, што се случува кога уредот е на ладење.

Други причини може да бидат недоволна отвореност на крилата на внатрешната единица, нечисти филтри, стеснет проток на гас, нечист испарувач или нечиста турбина на вентилаторот. 

Во случајот на формирање мраз на внатрешната единица најдобро е да контактирате сервисер.

Клима уредот шири непријатен мирис

Уште еден од најчестите клима уреди проблеми е непријатното ширење на мирис. Има разни причини, а една од нив е кога при ладење се лепи прашина на влажните ламели на разменувачот, ова се собира во кадичката и се меша во водата, а кога климата ќе престане со работа се собираат бактерии и се создава мирис кој е непријатен. За среќа, новите клима уреди имаат автоматска функција која го решава овој проблем со самочистење.

Други причини може да бидат насобрани бактерии на кадата за одвод, валканите филтри или разменувачот на топлина. Како што кажавме погоре, за филтрите можете да ја исклучите климата и сами да ги исчистите. Но, за кадата за одвод или разменувачот морате да контактирате сервисер. Ова е уште една причина зошто е важно редовно да го сервисирате вашиот клима уред.

Клима уредот прави премногу бучава

Доколку внатрешната единица прави премногу бучава, причините може да се оштетување на една или повеќе перки на турбината или дефект на моторот на вентилаторот. Кај постарите и поевтините клима уреди нивото на бучава е секако повисоко, но и во тој случај доколку клима уредот е премногу бучен, може да значи дека има некој проблем на клима уредот. Било која и да е причината, во овој случај треба да викнете сервисер за да го реши проблемот.

Доколку надворешната единица прави многу бучава, најверојатно не е добро поставена. Ако високото ниво на бучава се појави покасно, откатко клима уредот претходно работел нормално, тогаш причините се од друг тип. Овие причини може да бидат допирање на цевка со куќиште или цевка со цевка, лоши амортизери, цевка која допира на кракот на вентилаторот, недостаток на разладни средства, вентилаторот се оддалечува од оската затоа што е користен долго време, итн.

Во овие случаеви потребно е да се контактира сервисер, а во повеќето случаеви кога компресорот е бучен ова е знак на дотраеност на клима уредот.

Заклучок за клима уреди проблеми

Во повеќето случаеви најдобро е што овие проблеми на клима уреди се решливи. Исто така, за проблемите кои можете сами да ги корегирате најважно е пред се да го исклучите клима уредот. Во другите случаеви може да викнете сервисер. 

Воедно, не заборавајте да одберете клима според квадратура која е соодветна за вашиот простор за да може да имате одлично ладење и греење!